Мэдээний дэлгэрэнгүй

2017-07-06
0 сэтгэгдэл

Монголын Хөрөнгийн Биржийн III ангилалд бүртгэлтэй Хишиг уул /MSE:HSX/ компанийн нийт хувьцааны 34%-ийг орон нутаг буюу Нийслэлийн ЗДТГазар эзэмшдэг.

Харин Нийслэлийн Өмч хувьчлалын коммисын шийдвэрээр Нийслэлийн мэдэлд байгаа 295,206 ширхэг хувьцааг багц болгон нээлттэй дуудлага худалдаагаар худалдахаар боллоо. Хувьцааны дуудлага худалдааны доод үнийг 1,009.0 сая төгрөгөөр тогтоосон байна. /Нэгж хувьцаагаа хамгийн багадаа 3,418.0 төгрөгөөр үнэлж байна/

Хувьцааны 80.7% нь 4 том хувьцаа эзэмшигчийн мэдэлд төвлөрсөн байдаг бөгөөд үлдсэн хувь нь жижиг хувьцаа эзэмшигчид байдаг.

Хамгийн сүүлд энэ сарын 3-ны өдөр Монголын Хөрөнгийн Бирж дээр нэг бүр нь 1,021 төгрөгийн ханш дээр 32 ширхэг арилжигдаж байсан бөгөөд хөрөнгийн зах зээлийн үнэлгээ нь 886.5 сая төгрөг байна.  

Компанийн тухайд Багануур дүүргийн 1-р хороонд худалдаа үйлчилгээний чиглэлээр үйл ажиллагаа явуулдаг бөгөөд 1993 онд МХБ-д бүртгэлтэй хувьцаат компани болж байсан юм.

2016 онд Хишиг уул /MSE:HSX/ компани нь нийт 1.47 тэрбум төгрөгийн орлого олж, 3.3 сая төгрөгийн цэвэр ашигтай ажилласан байна.

Компанийн товч мэдээлэл

Симбол Биржид бүртгэгдсэн Хувьцааны тоо Салбар Хаалтын ханш
MSE:HSX 1992-05-04 868 252 700 (2018-08-15)

Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.