Мэдээний дэлгэрэнгүй

2017-07-16
0 сэтгэгдэл

Дэлхийд алдартай “Хайнекен” компани нь Монгол дахь архи, шар айрагны бизнесээ АПУ /MSE:APU/ компанитай нэгтгэх гэрээг талууд байгуулсан байна. 

Тодруулбал, дээрх үйл ажиллагааг “HEINEKEN International” болон MSC group-ийн хамтарсан хөрөнгө оруулалттай “М Би Си” компанийг “Шунхлай групп”-тэй хамтран байгуулсан холдинг компани болох “Эвэргрийн Инвэстмэнт”ХХК-д нийлүүлж, “Эвэргрийн Инвэстмэнт”ХХК-ийг АПУ /MSE:APU/ хувьцаат компанитай нэгтгэх замаар хэрэгжүүлэхээр болсон байна. Харин Шунхлай групп-ийн хувьд өөрийн эзэмшлийн архи, шар айраг болон түгээлтийн бизнесийг “Эвэргрийн Инвэстмэнт” ХХК-д мөн нэгтгэх ажээ. 

“М Би Си” компанийн бүрэлдэхүүнд М-Си-Эс Азиа Пасифик Брюэри ХХК, Спирт Бал Бурам ХХК болон СББ Трейд ХХК багтдаг байна.
АПУ /MSE:APU/ компани нь 2016 оны байдлаар дотоодын шар айрагны зах зээлийн 62%-ийг, архины зах зээлийн 50%-ийг эзэлж байсан.

Энэхүү нэгдлийн үр дүнд АПУ/MSE:APU/  нь дотоодын архи, шар айрганы зах зээлийн хамгийн том тоглогч болж байгаа бол “Хайнекен” компанийн хувьд АПУ /MSE:APU/-ийн хувьцааны 25%-ийг эзэмшиж, тус компанийн 2 дахь том хувьцаа эзэмшигч болох төлөвтэй байна.

Дашрамд хэлэхэд дээрх хэлцлийн талаар өмнө нь 2016 онд тус компанийн санхүү эрхэлсэн захирал Б.Түвшин хэлж байсан бөгөөд өнөөдөр ийнхүү албан ёсоор хийгдэж байгаа нь энэ.

Нэгдэн нийлэх ажиллагааг талууд энэ оны 4-р улиралд бүрэн эцэслэхээр ажиллаж байгаа бөгөөд амжилттай болвол Монголын хөрөнгийн зах зээл дээрх өмнө гарч байгаагүй томоохон нэгдэн нийлэх ажиллагаанд тооцогдох юм.
Энэхүү хэлцлийн талаар: 
Шунхлай группын ерөнхийлөгч П.Батсайхан: “Дэлхийн хэмжээний бизнес болох Найнекен компанитай түншилснээр АПУ ХК нь бүс нутгийн тоглогч, Монголын брэнд бүтээгдэхүүнийг Ази болон олон улсын бусад зах зээлд түгээгч болох хөгжлийн шинэ шатанд гарах юм” гэсэн бол 
Хайнекен Ази Номхон далайн бүсийн ерөнхийлөгч Франс Усман: "Монгол дахь манай үйл ажиллагааны стратегид энэ нэгдэн нийлэх үйл ажиллагаа маш том ахиц болж байна. ХАЙНЕКЕН-ы дэлхийн хэмжээний туршлагыг АПУ компанийн Монгол дахь бизнесийн мэдлэг туршлага болон түгээлтийн чадавхитай нийлүүлснээр шар айраг, архины бизнест өргөн боломжийг нээж өгч байгаа” гэж хэлсэн байна.

АПУ /MSE:APU/ компанийн хувьд дээрх томоохон хэлцлийг хийх зорилгоор Хувьцаа эзэмшигчдийнхээ ээлжит бус хурлаа 8-р сарын 18-нд хуралдуулахаар товлоод байгаа бөгөөд уг хурлаар дараах асуудлыг хэлэлцэх юм. Үүнд:

1. АПУ ХК-ийг тусгаарлах замаар өөрчлөн байгуулах, шинээр охин компани үүсгэн байгуулахыг зөвшөөрөх тухай;
2. АПУ ХК-д Эвэргрийн Инвестментс ХХК-ийг нэгтгэх замаар өөрчлөн байгуулахыг зөвшөөрөх, нэгтгэх замаар өөрчлөн байгуулах төсөл, нэгтгэх гэрээг батлах тухай;
3. АПУ ХК-д Эвэргрийн Инвестментс ХХК-ийг нэгтгэхтэй холбогдуулан хаалттай хүрээнд нэмж хувьцаа гаргах тухай;
4. АПУ ХК-д Эвэргрийн Инвестментс ХХК-ийг нэгтгэхтэй холбогдуулан хаалттай хүрээнд нэмж гаргах хувьцаанаас тэргүүн ээлжинд худалдан авах эрхийг эдлүүлэхгүй байх тухай;
5. АПУ ХК-ийн Дүрмийн нэмэлт, өөрчлөлтийг батлах тухай;

www.marketinfo.mn сайтын зүгээс цаашид энэхүү хэлцэл, нэгдэх үйл явцын талаар дэлгэрэнгүй мэдээлэх болно.

Компанийн товч мэдээлэл

Симбол Биржид бүртгэгдсэн Хувьцааны тоо Салбар Хаалтын ханш
MSE:APU 1992-06-25 742 877 000 798,960021972656 (2017-11-17)

Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.

Арилжааны тойм: 2017-11-17

Cимбол Хаалт Өөрчлөлт %
MIB 138 18 15,00%
ITL 132,25 17,25 15,00%
HCH 356,55 46,5 15,00%
BUK 482 62 14,76%
NIE 969,23 89,23 10,14%
ADL 2999 249 9,05%
HBO 64,9 4,9 8,17%
ALI 460 11 2,45%
MMX 2753 64 2,38%
TUS 335 5,04999 1,53%
RMC 38,37 0,37 0,97%
GOV 23960 140 0,59%
UID 505 1,73999 0,35%
SHG 2205 5 0,23%
SUU 224,67 0,179995 0,08%
Cимбол Хаалт Өөрчлөлт %
UBH 14950 -1050 -6,56%
SHV 2247 -45 -1,96%
TTL 9390 -50 -0,53%
JTB 62 -0,279999 -0,45%
APU 798,96 -2,51998 -0,31%
Cимбол Ширхэг
APU 61 499
SUU 43 609
ITL 32 579
RMC 30 997
SHG 2 189
Cимбол Мөнгөн дүн
ADL 14 995
ALI 13 340
APU 49 135 357
BEU 170 400
BUK 24 100