Мэдээний дэлгэрэнгүй

2018-02-12
0 сэтгэгдэл

Тахь-ко /MSE:TAH/ компанийн Төлөөлөн удирдах зөвлөлөөс 2017 оны санхүүгийн ашгаас олгох ногдол ашгийн хэмжээгээ өмнөх оны хэмжээнд олгохоор шийдвэрлэсэн байна.

Тодруулбал, тус компани хувьцаа эзэмшигчдийнхээ нэгж хувьцаанд 108 төгрөг буюу нийт 128.52 сая төгрөг олгохоор болсноо зарлалаа. Энэ нь компанийн тайлант хугацааны цэвэр ашгийн 94.4%-тай тэнцэж байгаа юм.

Санхүүгийн үйл ажиллагааны үзүүлэлтийг харвал 2017 онд 3.16 тэрбум төгрөгийн орлого олж, 136.11 сая төгрөгийн цэвэр ашигтай ажилласан байна. Харин орлогын хэмжээ өмнөх оноос 2.54%-иар өссөн боловч цэвэр ашгийн хэмжээ -73.19%-иар буурчээ.

Нэмж хэлэхэд Тахь-ко /MSE:TAH/ компани нь өнгөрсөн хугацаанд хувьцаа эзэмшигчиддээ нийт 1 тэрбум төгрөгийн ногдол ашгийг олгоод байна.

Компанийн товч мэдээлэл

Симбол Биржид бүртгэгдсэн Хувьцааны тоо Салбар Хаалтын ханш
MSE:TAH 1995-04-18 1 189 983 14000 (2018-08-10)

Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.