Мэдээний дэлгэрэнгүй

2018-02-12
0 сэтгэгдэл

2018.02.12: Өнөөдрийн үнэт цаасны хоёрдогч захын арилжаагаар 24 компанийн 428,822 ширхэг хувьцаан арилжигдаж, 231.81 сая төгрөгийн гүйлгээ хийгдсэн байна.

Хөрөнгийн биржийн үзүүлэлтээр нь харвал:
- Монголын Хөрөнгийн Бирж дээр 418,822 ширхэг хувьцаа 231.36 сая төгрөгөөр
- Монголын Үнэт Цаасны Бирж дээр Анд энерги /MSX:AEL/ компанийн 10,000 ширхэг хувьцаа 450,000 төгрөгөөр арилжигдлаа.

МХБ-ийн арилжааны бүтцийн хувьд I ангилалд 7 компанийн 66,114 ширхэг хувьцаа 115.78 сая төгрөгөөр, II ангилалд 14 компанийн 352,704 ширхэг хувьцаа 115.55 сая төгрөгөөр, III ангилалд 2 компанийн 4 ширхэг хувьцаа 5,900 төгрөгөөр арилжигджээ.

Энэ өдөр хөрөнгө оруулагчдын хооронд 217 удаагийн хэлцэл хийгдснээс Тавантолгой /MSE:TTL/ компани дээр хамгийн олон буюу 96 хэлцэл, АПУ /MSE:APU/ компанийн хувьцаанд 27 хэлцэл хийгдсэн байна.

АРИЛЖААНЫ ИДЭВХИ
УБ Бүк /MSE:BUK/ компанийн 225,249 ширхэг 94.48 сая төгрөгөөр арилжигдан тоо ширхэг болон үнийн дүнгээр тэргүүллээ.

ХАНШИЙН ӨӨРЧЛӨЛТ
Энэ өдөр 23 компанийн хувьцааны ханш өөрлөлттэй хаагдснаас 6 компанийн хувьцааны ханш өсч, 17 хувьцааны ханш уналттай байлаа.
Тавантолгой /MSE:TTL/-ийн хувьцааны ханш 6.14%-иар өсч хамгийн өндөр өсөлтийг үзүүлсэн бол Монгол шилтгээн /MSE:MSH/-ийн хувьцааны ханш -14.09%-иар буурав. 

Энэ дашрамд www.marketinfo.mn сайтын өдөр бүрийн АРИЛЖААНЫ ТОЙМ шинэчлэгдсэн тул та бүхэн ЭНД дарж дэлгэрэнгүйгээр нь үзнэ үү.


Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.