Мэдээний дэлгэрэнгүй

2019-01-08
0 сэтгэгдэл

2019.01.08: Мягмар гарагт Монголын Хөрөнгийн Биржийн арилжаагаар 16 хувьцаат компанийн 1.0 сая ширхэг хувьцаа 150.9 сая төгрөгийн гүйлгээ хийгдсэн байна. Энэ нь 2019 он гарснаас хойш хамгийн өндөр арилжааны үзүүлэлт боллоо.

Үнэт цаасны I ангилалд 9 компанийн 172,877 ширхэг хувьцаа 89.5 сая төгрөгөөр арилжигдсан бөгөөд II ангилалд 6 компанийн 825,508 ширхэг хувьцаа 59.1 сая төгрөгөөр, III ангилалд 1 компанийн 4,213 ширхэг хувьцаа 2.3 сая төгрөгөөр арилжигдав.

Энэ өдөр хөрөнгө оруулагчдын хооронд нийт 115 удаагийн хэлцэл хийгдснээс Говь /MSE:GOV/-ийн хувьцаанд 30 хэлцэл, Лэндмн ББСБ /MSE:LEND/-ийн хувьцаан дээр 24 хэлцэл хийгджээ.

АРИЛЖААНЫ ИДЭВХИ
Идэвхийн үзүүлэлтийн тухайд Лэндмн ББСБ /MSE:LEND/-ийн 814,805 ширхэг хувьцаа арилжигдан тоо ширхэгээр, АПУ /MSE:APU/ компанийн хувьцаа 58.1 сая төгрөгөөр арилжигдан үнийн дүнгээр идэвхитэй нь байлаа.

Хүнсний үйлдвэрлэлийн салбарын 118,458 ширхэг хувьцаа 65.5 сая төгрөгөөр арилжигдан энэ өдрийн арилжааны үнийн дүнгийн 43.37%-ийг эзэллээ.

ХАНШИЙН ӨӨРЧЛӨЛТ
Энэ өдрийн арилжааны дүнд 6 компанийн ханш өссөн бол 7 хувьцааны ханш уналттай байлаа. 

Дархан зочид буудал /MSE:DZG/-ийн хувьцааны ханш 5.56%-иар өсч 95 төгрөгт хаагдсан бол Айтүүлс /MSE:ITLS/-ийн хувьцааны ханш -5.55%-иар унаж хаагдав.

Энэ дашрамд www.marketinfo.mn сайтын өдөр бүрийн АРИЛЖААНЫ ТОЙМ шинэчлэгдсэн тул та бүхэн ЭНД дарж дэлгэрэнгүйгээр нь үзнэ үү.


Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.