Мэдээний дэлгэрэнгүй

2019-01-09
0 сэтгэгдэл

Монгол Улсын Засгийн газар дотоодын бирж дээр 2014 оноос 2017 он хүртэл эрчимтэй бонд гаргасан байдаг.

Энэ хугацаанд 2 сараас 3 жилийн хугацаатай бондыг хөрөнгө оруулагчдад санал болгосон бөгөөд зах зээл дээрээс нийт 1.52 их наяд төгрөгийн хөрөнгө босгосон үзүүлэлттэй байна. Тухайлбал, 2015 онд 560 тэрбум, 2016 онд 285 тэрбум төгрөгийг босгосон бол 2017 онд хамгийн өндөр буюу 631 тэрбум төгрөг татжээ.

Харин энэхүү бондын хүүнд 147 орчим тэрбум төгрөгийг төлсөн байгаа юм.  

Хугацааны хувьд хөрөнгө оруулагчид богино хугацаатай буюу 3 сараас 1 жил хүртэлх хугацаатай бондод түлхүү хөрөнгө оруулалт хийсэн байна. Энэ нь нийт арилжааны 90%-ийг эзэлж байгаа юм.

Гэвч Сангийн яамнаас өнгөрөгч 2018 оноос бондын анхдагч зах зээлийн арилжааг зогсоогоод байна. 


Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.