Мэдээний дэлгэрэнгүй

2019-01-09
0 сэтгэгдэл

Лхагва гарагт хөрөнгийн зах зээлийн голлох индексүүд уналт үзүүллээ. Тодруулбал, үнэт цаасны I ангилалын MSE-A индекс өмнөх хаалтаас -55.40 нэгж буюу -0.54%-иар унаж 10,191.61 нэгжид хаагдсан бөгөөд индексийн уналтад 4 компанийн хувьцааны уналт нөлөөлсөн байна.

Харин үнэт цаасны II ангилалын MSE-B индексийн хувьд -47.54 нэгжээр буюу -0.54%-иар буурч 8,741.12 нэгжид хаагджээ. 

ТОП-20 индексийн тухайд өнөөдөр -105.71 нэгжээр буюу -0.48%-иар унаж 21,716.33 нэгжид хүрсэн байна. Уг индексийн унахад сагсанд нь багтаж байгаа I ангилалын 3, II ангилалын 1 хувьцааны ханш буурсан нь нөлөөлжээ. Үүнд:

I ангилалын тухайд:
- Тавантолгой /MSE:TTL/-ийн ханш -1.35%-иар
- Сүү /MSE:SUU/-ийн ханш -2.38%-иар
- Монгол шуудан /MSE:MNP/-ийн ханш -10.07%-иар

II ангилалын тухайд:
- Улсын их дэлгүүр /MSE:UID/-ийн ханш -10.98%-иар

www.marketinfo.mn сайтаас тооцдог Салбарын индексийн тухайд 7 салбар буурч хаагдсан бол 2 салбарын индекс өсчээ. Ийнхүү зах зээл дээр уналт давамгайлсан байна.

Үйлчилгээний салбарын MSS индекс -4.85%-иар унаж 123.09 нэгжид хаагдсан бол Хөнгөн үйлдвэрлэлийн салбарын хувьцааны MLI индекс 0.68%-иар өсч 292.56 нэгжид хаагдав.


Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.