Мэдээний дэлгэрэнгүй

2019-01-31
0 сэтгэгдэл

Гермес центр /MSE:HRM/ компани 2018 оны сүүлийн хагас жилийн цэвэр ашгийнхаа 90%-ийг ногдол ашигт хуваарилахаар боллоо.

Өөрөөр хэлбэл, тус компани 2-р хагаст 330.7 сая төгрөгийн цэвэр ашигтай ажилласнаас нэгж хувьцаандаа 3.8 төгрөг хувьцаа эзэмшигчиддээ олгохоор болов.

Ногдол ашгийг 2019.02.18-ны өдрөөр тасалбар болгон хувьцаа эзэмшигчдэд 2019.03.15-наас олгохоор ТУЗ-өөс нь шийдвэрлэжээ.

Жилийн нийт дүнгээр нь харвал 2018 онд хувьцаа эзэмшигчдийнхээ нэгж хувьцаанд 8.8 төгрөг буюу нийт 691.2 сая төгрөгийн ногдол ашиг олгохоор болж байгаа юм. Энэ нь тайлант хугацааны нийт ашгийн 88%-тэй тэнцэв. Харин компанийн 2018 оны ногдол ашгийн өгөөж нь 6%-тай байна.

Нэмж хэлэхэд Гермес центр /MSE:HRM/ компани 2016 оноос эхлэн жилд 2 удаа ногдол ашиг олгох бодлогыг хэрэгжүүлж байгаа.

Хувьцааны ханшийн тухайд өнгөрөгч онд төдийлөн хөдөлгөөн гараагүй ба 2019.01.30-ны өдрийн байдлаар 145 төгрөгийн хаалттай байна.

Компанийн товч мэдээлэл

Симбол Биржид бүртгэгдсэн Хувьцааны тоо Салбар Хаалтын ханш
MSE:HRM 2008-05-16 78 543 001 127,54 (2019-08-22)

Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.