Мэдээний дэлгэрэнгүй

2019-02-01
0 сэтгэгдэл

2019.02.01-ний арилжааны өдөр үнэт цаасны хоёрдогч зах зээл дээр 436,340 ширхэг үнэт цаас арилжигдаж, 740.6 сая төгрөгийн гүйлгээ хийгдлээ. Энэ нь 2019 он гарснаас хойш хамгийн өндөр гүйлгээний өдөр байлаа.

Хөрөнгийн биржийн үзүүлэлтээр:
- МХБирж дээр 429,360 ширхэг үнэт цаас 136.7 сая төгрөгөөр 
- МҮЦБирж дээр Анд энерги /MSX:AND/-ийн 1,000 ширхэг хувьцаа 42,000 төгрөгөөр зарагдав. 

Харин Монголын Хөрөнгийн Биржийн үзүүлэлтийг харвал Засгийн газрын 5,980 ширхэг бонд 603.9 сая төгрөгөөр арилжигдсан бол 3 ангилалд 25 компанийн 429,360 ширхэг хувьцаа 136.7 сая төгрөгөөр арилжигдсан байна.

Үнэт цаасны I ангилалд 10 компанийн 166,186 ширхэг хувьцаа 101.9 сая төгрөгөөр, II ангилалд 14 компанийн 245,028 ширхэг хувьцаа 25.4 сая төгрөгөөр, III ангилалд 1 компанийн 18,146 ширхэг хувьцаа 9.4 сая төгрөгөөр тус тус зарагдав.

Энэ өдөр хөрөнгө оруулагчдын хооронд нийт 197 удаагийн хэлцэл явагдснаас Говь /MSE:GOV/-ийн хувьцаанд 34 хэлцэл, Лэндмн ББСБ /MSE:LEND/-ийн хувьцаан дээр 33 хэлцэл хийгджээ.

АРИЛЖААНЫ ИДЭВХИ
Арилжааны идэвхийн үзүүлэлтээр Лэндмн ББСБ /MSE:LEND/-ийн 235,831 ширхэг хувьцаа арилжигдан тоо ширхэгээр, АПУ /MSE:APU/-ийн 114,008 ширхэг хувьцаа 69.2 сая төгрөгөөр арилжигдан үнийн дүнгээр идэвхитэй байлаа.

Хүнсний салбарын 125,154 ширхэг хувьцаа 73.0 сая төгрөгөөр зарагдаж, энэ өдрийн арилжааны үнийн дүнгийн 53.45%-ийг бүрдүүлсэн байна.

ХАНШИЙН ӨӨРЧЛӨЛТ
Ханшийн хөдөлгөөний тухайд 11 хувьцааны ханш өсч, 7 компанийн хувьцааны ханш унав. Шивээ овоо /MSE:SHV/-ийн хувьцааны ханш 14.2%-иар өсч 2,284 төгрөгт хаагдсан бол Хөх ган /MSE:HGN/-ийн хувьцааны ханш -12.5%-иар унав.

Энэ дашрамд www.marketinfo.mn сайтын өдөр бүрийн АРИЛЖААНЫ ТОЙМ шинэчлэгдсэн тул та бүхэн ЭНД дарж дэлгэрэнгүйгээр нь үзнэ үү. 


Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.