Мэдээний дэлгэрэнгүй

2019-03-25
0 сэтгэгдэл

Лэндмн ББСБ /MSE:LEND/-ийн 2019 оны хувьцаа эзэмшигчдийн ээлжит өнгөрөгч Бямба гарагт болж, хэд хэдэн онцлох асуудлыг хэлэлцэв.

Тухайлбал, компани нийт хувьцааны 0.5%-тай тэнцэх 4,000,000 сая ширхэг хувьцааг гүйцэтгэх удирдлага болон ажиллагсдыг урамшуулах бодлогын хүрээнд халааслах асуудал байсан бөгөөд хувьцаа эзэмшигчдийн олонхи нь уг асуудлыг дэмжлээ.

Мөн Төлөөлөн Удирдах Зөвлөлийн 9 гишүүнийг сонгож, дүрэмд нэмэлт өөрчлөлт орууллаа.

Тус хурлын үеэр гүйцэтгэх удирдлагын зүгээс компанийнхаа 2019 оны санхүүгийн үйл ажиллагааны төлөвлөгөөг танилцуулсан. Энэхүү төлөвлөгөөнд харилцагчиддаа олгох зээлийн тоог 1.9 саяд хүргэж 2018 оны үзүүлэлтээс 2.5 дахин, олгох зээлийн дүнг 502 тэрбум төгрөгт хүргэж 3.3 дахин нэмэгдүүлэхээр тусгаснаас гадна 6 тэрбум төгрөгийн цэвэр ашигтай ажиллах аж. Энэ нь өмнөх оноос 2.3 дахин нэмэгдүүлсэн үзүүлэлт юм.

Компанийн товч мэдээлэл

Симбол Биржид бүртгэгдсэн Хувьцааны тоо Салбар Хаалтын ханш
MSE:LEND 2018-03-12 800 000 000 59,7 (2019-06-18)

Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.