Мэдээний дэлгэрэнгүй

2019-04-11
0 сэтгэгдэл

2019.04.11: Монголын Хөрөнгийн Бирж дээр энэ өдөр 526,296 ширхэг үнэт цаас 1.08 тэрбум төгрөгөөр арилжигдлаа. Харин МҮЦБирж дээр ямар нэг арилжаа явагдаагүй байна.

Үнэт цаасны төрлөөр нь харвал Засгийн газрын 9,564 ширхэг бонд 981.6 сая төгрөгөөр, 3 ангилалд 25 хувьцаат компанийн 516,732 ширхэг хувьцаа 99.7 сая төгрөгөөр тус тус зарагджээ.

Ангилалын тухайд I ангилалд 9 компанийн 401,678 ширхэг хувьцаа 81.75 сая төгрөгөөр, II ангилалд 12 компанийн 114,568 ширхэг хувьцаа 17.6 сая төгрөгөөр, III ангилалд 4 компанийн 486 ширхэг хувьцаа 316,811 төгрөгөөр арилжигдсан байна.

Энэ өдөр хөрөнгө оруулагчдын хооронд 247 хэлцэл хийгдснээс Сүү /MSE:SUU/-ийн хувьцаан дээр хамгийн олон буюу 45 удаагийн хэлцэл хийгдэв.

АРИЛЖААНЫ ИДЭВХИ
Лэндмн ББСБ /MSE:LEND/-ийн 276,043 ширхэг хувьцаа арилжигдан тоо ширхэгээр, АПУ /MSE:APU/-ийн 34,126 ширхэг хувьцаа 20.11 сая төгрөгөөр зарагдаж үнийн дүнгээр тэргүүллээ.

ХАНШИЙН ӨӨРЧЛӨЛТ
Арилжааны дүнд 6 хувьцааны  ханш өсч, 17 хувьцааны ханш уналттай байлаа. Түмэн шувуут /MSE:TUM/ компанийн хувьцааны ханш 7.37%-иар өсч хаагдсан бол Монгео /MSE:MOG/-ийн хувьцааны ханш -15.0%-иар унав.

Энэ дашрамд www.marketinfo.mn сайтын өдөр бүрийн АРИЛЖААНЫ ТОЙМ шинэчлэгдсэн тул та бүхэн ЭНД дарж дэлгэрэнгүйгээр нь үзнэ үү. 


Энэхүү мэдээ нь "MarketInfo.mn" -ийн оюуны өмч тул зөвшөөрөлгүйгээр хэвлэн нийтлэх, хуулбарлан олшруулахыг хориглоно.